ՀՀ վարչապետ Նիկոլ Փաշինեան ֆէյսպուքեան իր էջով գրած է․
Հայաստանի Հանրապետութեան կողմից վարուող հաւասարակշռուած եւ հաւասարակշռման արտաքին քաղաքականութիւնը հասնում է իր առաջնային փուլին:
Իրանի Իսլամական Հանրապետութեան հետ մեր յարաբերութիւններն առարկայական են առաւել քան երբեւէ: Այդ յարաբերութիւնները հիմնուած են բնական շահերի վրայ, ինչը փոխգործակցությեան ամենայուսալի հիմքն է եւ յարաբերութիւնների կայունութեան երաշխիք:
Վրաստանի հետ մեր յարաբերութիւնները գտնւում են ռազմավարական գործընկերութեան ուղեծրում՝ բացելով զարգացման նոր հեռանկարներ եւ ներուժ:
Թուրքիայի հետ ըմբռնման տեսանելի հիմք է ձեւաւորուած:
Ատրպէյճանի հետ յարաբերութիւններում առկայ բոլոր հարցերին Հայաստանի Հանրապետութիւնն առաջարկել է կառուցողական լուծումներ: Ոչ թէ առաջարկներ է արել, այլ լուծումներ է առաջարկել: Այս ծիրին մէջ տարածաշրջանում սրումներ հրահրելու բոլոր ջանքերը զուրկ են օրինականութիւնից եւ հիմքից, ինչը նշանակում է, որ տարածաշրջանը սրել չի յաջողուի:
Ռուսաստանի Դաշնութեան հետ մեր յարաբերութիւնները գործնական են առաւել քան երբեւէ, առանցքում ունենալով յստակ հարցեր՝ առանց զգացական փաթեթաւորման: Մենք նպատակաուղղուած ենք այս յարաբերութիւնները զարգացնել` փոխշահաւէտ համագործակցութեան եւ ինքնիշխանութեան հիման վրայ:
Ֆրանսայի հետ մեր բարեկամութիւնը ամրապնդուել է եւ զարգացել:
Եւրամիութեան հետ յարաբերութիւնները սերտ են առաւել քան երբեւէ, ինչն արձանագրւում է նաեւ Պրիւքսէլում:
Ամերիկայի Միացեալ Նահանգների հետ մեկնարկում է ռազմավարական գործընկերութիւն:
Հնդկաստանի հետ մեր յարաբերութիւնները նոր կշիռ եւ իմաստ են ձեռքբերել:
Չինաստանի հետ մեր յարաբերութիւնները զարգանում են եւ խորանում:
Մերձաւոր Արեւելքում գործընկերութեան նոր հնարաւորութիւններ են ստեղծուել:
Այս դիրքաւորումը Հայաստանի անկախութեան, ինքնիշխանութեան եւ պետականութեան յարատեւութեան օրակարգը յաջողութեամբ սպասարկելու ամուր նախադրեալներ է ստեղծում, ինչը կ’իրագործուի հաւասարակշռման եւ հաւասարակշռուած արտաքին քաղաքականութեան յառաջիկայ փուլերում: