Գերմանիոյ արտաքին գործերու նախարար Անալենա Պերպոք Ատրպէյճանի մէջ մարդու իրաւունքներու իրավիճակը մտահոգիչ կը համարէ։ Այս մասին Պերպոք մտահոգութիւն յայտնած Է Պաքուի մէջ տեղի ունեցած COP29-ին, խիստ քննադատութիւն հնչեցնելով Ատրպէյճանի հասցէին։
Ան բացարձակ անընդունելի համարած է Եւրոպայի Խորհուրդի Խորհրդարանական Վեհաժողովի 76 պատգամաւորի համար Ատրպէյճան մուտքի արգելքը․ «Անոնք կը վերաբերին նաեւ Պունտեսթակի գերմանացի պատգամաւորներուն եւ անհամատեղելի են Եւրոպայի Խորհուրդին մէջ Ատրպէյճանի ստանձնած պարտաւորութիւններուն հետ»,- նշած է Գերմանիոյ արտաքին գործերու նախարարը:
Պերպոք նաեւ յիշեցուցած է լրագրողներու, աքթիւիսթներու եւ ընդդիմութեան ներկայացուցիչներուն ձերբակալութիւնները:
