«Իրաւապահներն իրենց աշխատանքն են անում, ընդդիմութիւնն իր աշխատանքն է անում, երբ ուզում՝ հանրահաւաք է կազմակերպում»:
Ազգային Ժողովին մէջ լրագրողներու հետ ճեպազրոյցի ժամանակ այս մասին ըսաւ «Քաղաքացիական Պայմանագիր» խմբակցութեան պատգամաւոր Հրաչեայ Յակոբեան՝ անդրադառնալով լրագրողի դիտարկման, թէ ընդդիմութիւնը իշխանութիւնը կը մեղադրէ բռնաճնշումներու համար. 18-ամեայ աղջիկները կը տանին ոստիկանութիւն զէնք բռնելու կասկածանքով:
«Իրենք գնում են նախագահական նստավայրի դիմաց, տարատեսակ պաստառներով կանգնում, ինչ ուզում՝ անում են, ինչ ուզում՝ խօսում են ուղիղ եթերում, ու դուք խօսում էք բռնաճնշումներից: Եթէ կան բռնաճնշումներ, ապա ինչպէ՞ս ստացուեց, որ բռնաճնշումների ներքոյ մարդիկ տարատեսակ պաստառներով նախագահականի դիմաց բողոքի շարժում են իրականցնում: Ձեր ասածն ու դա հակասում են իրար: Եթէ բռնաճնշումներ գործադրուէին, այդ արարքները չէին լինի, բայց երբ ուզում՝ բողոքի շարժում են անում, ինչ գրառումներով ասես՝ պաստառներ բարձրացնում»,- նկատեց Յակոբեան:
