Միացեալ Նահանգները մահաբեր զէնք չէ մատակարարած Երեւանին ո՛չ ուղղակիօրէն, ո՛չ ալ երրորդ կողմերու միջոցով:
Այս մասին յայտնած են Ատրպէյճանի մէջ ԱՄՆ դեսպանութենէն՝ նշելով, որ տարածաշրջանին մէջ կայունութիւնը եւ Հայաստանի ու Ատրպէյճանի միջեւ կայուն խաղաղութեան ձեռքբերումը ԱՄՆ-ի համար առաջնային նշանակութիւն ունին:
Աւելի վաղ ատրպէյճանական լրատուամիջոցները, վկայակոչելով սեփական աղբիւրները, գրած են, թէ Արեւմուտքի երկիրները, այդ շարքին՝ Միացեալ Նահանգները, երրորդ երկիրներու միջոցով Երեւանին մահաբեր սպառազինութիւն մատակարարած են եւ կը շարունակեն մատակարարել:
Նշուած է, թէ ֆրանսական, գերմանական եւ ամերիկեան սպառազինութեան մատակարարումները Հայաստան իրականացուած են Իրանի միջոցով:
