2022թ. մարդահամարի հիմքով վարուող բնակչութեան ընթացիկ հաշուառմամբ, ՀՀ մշտական բնակչութեան թուաքանակի ցուցանիշը 2024թ. Յուլիս 1-ի դրութեամբ կազմած է 3057.8 հազար մարդ, այդ շարքին քաղաքայինը` 1973.4 հազար մարդ եւ գիւղականը` 1084.4 հազար մարդ: Սոյն տուեալներուն մասին civic.am-ը տեղեկացաւ Վիճակագրական կոմիտէի հրապարակած՝ ՀՀ բնակաչութեան ընկերա-տնտեսական վիճակի մասին տեղեկանքէն։ Մասնաւորապէս Երեւանի մէջ կ’ապրի 1134.0 հազար մարդ, Արագածոտնի մէջ՝ 134.5 հազար, որմէ 29.6 հազարը՝ քաղաքային, 104.9 հազարը՝ գիւղական։ Սահմանամերձ Տաւուշի մէջ կ’ապրի 117.5 հազար մարդ, որմէ 49.5 հազարը՝ քաղաքային, 68.0 հազարը՝ գիւղական, մէկ այլ սահմանամերձ մարզի մէջ ալ՝ Սիւնիքի մէջ, 117.2 հազար մարդ կ’ապրի, որմէ 78.7 հազարը՝ քաղաքային, 38.5 հազարը՝ գիւղական համայնքներու մէջ։
Հաշուետու ժամանակաշրջանին ամենաշատ բնակչութեամբ մարզը Կոտայքն է՝ 290.1 հազար մարդ, որմէ 161.3-ը քաղաքային բնակչութիւնը կը կազմէ, 128.8-ը՝ գիւղական։ Արարատի բնակչութիւնն ալ 264.8 հազար է, որմէ 79.8-ը քաղաքային, 185.0-ը գիւղական բնակչութիւնն է։ Ամենաքիչ բնակչութիւն ունեցող մարզն ալ Վայոց ձորն է, ուր բնակող 49.2 հազար մարդէն 17.3 հազարը՝ քաղաքային, 31․9 հազարը՝ գիւղական։
Նշենք, որ 2023թ․ տարեսկիզբին ՀՀ-ի մշտական բնակչութիւնը կազմած է 2937.5 հազար, իսկ 2024-ին՝ 2991.2 հազար մարդ, սակայն ի տարբերութիւն նախորդ տարուայ 4.5 բնական յաւելաճի՝ հաշուետու ժամանակաշրջանին կազմած է 2.5, ընդհանուր յաւելաճը նախորդ տարուայ հաշուետու ժամանակաշրջանին կազմած է 8.0, այս տարի՝ 66.6։
