Պայտընի վարչակազմը կը նախատեսէ Ատրպէյճանը եւ Հայաստանը հրաւիրել՝ ՆԱԹՕ-ի միւս գործընկերներուն հետ միասին մասնակցելու Ուաշինկթընի մէջ կայանալիք ՆԱԹՕ-ի գագաթաժողովի գործընկերային միջոցառումներուն։ Այնտեղ անոնք հնարաւորութիւն պիտի ունենան քննարկելու տարածաշրջանային համագործակցութիւնը, ինչպէս նաեւ երկիրներուն միջեւ խաղաղութեան համաձայնագրի կնքման ջանքերը:
«Չնայած լիովին պարզ չէ, թէ հրաւէրները արդէն ուղարկուած եւ/կամ ընդունուած են, սակայն Ուաշինկթընի պաշտօնեաները կը կարծեն, որ ՆԱԹՕ-ի առաջնորդներուն մակարդակով յառաջիկայ հանդիպումը, որ տեղի պիտի ունենայ ԱՄՆ մայրաքաղաքին մէջ՝ երկու շաբաթ անց, հիանալի հնարաւորութիւն պիտի ըլլայ, որ չ’արժեր բաց թողել», ըսած է աղբիւրներէն մէկը:
