Փարիզը կ’օգտագործէ Երեւանը որպէս սեփական նպատակներուն հասնելու գործիք եւ չ’առաջնորդուիր Հայաստանի ու հայ ժողովուրդին շահերով։ Ճեպազրոյցի ընթացքին այս մասին յայտնած է Ռուսաստանի Արտաքին գործերու նախարարութեան պաշտօնական ներկայացուցիչ Մարիա Զախարովան՝ մեկնաբանելով Ֆրանսայի իշխանութիւններուն գործողութիւնները՝ զինելու Ուքրանիան, իսկ այժմ արդէն՝ Հայաստանը։
«Սա բնորոշ է Փարիզի քաղաքականութեան՝ ըլլալ ամէնուր եւ որեւէ պատասխանատվութիւն չկրել: Անոնք միլիոն հնարաւորութիւններ ունէին հակամարտութիւնները լուծելու համար, անոնցմէ մէկն ալ նոյն Մինսքի համաձայնագրերն էին: Յետոյ մենք իմացանք, որ այդ եղած է սոսկ շղարշ»,- ըսած է Զախարովան:
Անդրադառնալով կովկասեան տարածաշրջանին՝ Զախարովան ընդգծած է, որ կայ խաղաղութեան ծրագիր, իրավիճակի կարգաւորման քայլ առ քայլ ճանապարհային քարտէզ, տնտեսական եւ մարդասիրական հնարաւորութիւններու բացում, փոխադրութեան լոկիսթիքի կառուցում, եւ այդ ամէնը ներառուած է Երեւանի, Պաքուի եւ Մոսկուայի կողմէ ձեռք բերուած համապատասխան պայմանաւորուածութիւններուն մէջ։
Զախարովան կը կարծէ, որ Փարիզի հռետորաբանութիւնը ուղղուած է ոչ թէ խաղաղ կարգաւորման, այլ հակամարտութեան հաւաականութիւնը բորբոքելուն։ Միաժամանակ ան վստահ է, որ Ֆրանսայի իշխանութիւնները անկէ յետոյ պատասխանատուութիւն պիտի չկրեն, եւ պիտի տառապին խաղաղ մարդիկ։
