ԵԱՏՄ-ն ու Եւրոմիութիւնը անհամատեղելի են, իսկ արտատարածաշրջանային խաղացողներու մուտքը Հայաստան հետեւանքներ պիտի ունենայ։
Այս մասին «Փրիմաքովեան ընթերցումներ» միջազգային գիտափորձագիտական 10-րդ համագումարին ունեցած իր ելոյթին ժամանակ յայտարարած է Ռուսաստանի փոխվարչապետ Ալեքսէյ Օվերչուքը։
Անոր գնահատմամբ՝ Հայաստանի մասին խօսելով կարելի չէ աչք փակել այն բանին վրայ, որ այսօր այդ երկրի քաղաքական ուղղութիւնը երթալով աւելի կը թեքի դէպի Արեւմուտք։
«Պէտք է նաեւ հասկնալ, որ Եւրոմիութիւնը եւ Եւրասիական Տնտեսական Միութիւնը անհամատեղելի բաներ են։ Եւ այն օգուտները, որոնք որեւէ երկիր կը ստանայ Ռուսաստանի հետ մտերմութենէն, նոյնպէս պէտք է ընկալուին որպէս վճար, որ մենք կը վճարենք մեր անվտանգութեան եւ ռազմավարական խորութեան համար գին, հետեւաբար որոշ արտատարածաշրջանային խաղացողներու այնտեղ գալը, ի հարկէ, պիտի ունենայ հետեւանքներ»,- ըսած է ան։