«Դուք շատ յուզուած էք այդ ժամկէտներով»:
Այս մասին լրագրողներու հետ զրոյցին ըսաւ Վազգէն Գալստանեանը՝ արձագանգելով հարցումին, թէ իր նշած ժամկէտը՝ 4 օրը, փաստօրէն կը լրանայ:
«Ժամկէտը չի լրանում, մեր պայքարը անժամկէտ է: Այո՛, ասել եմ՝ 4 օր, յետոյ էլ կարող ա եւս 4 օր ասեմ, յետոյ էլ՝ մի ամիս, յետոյ էլ՝ մի տարի ասեմ: Այս օրը չափազանց կարեւոր օր է, եւ ես ասել եմ՝ համապատասխան թուով մեր ժողովուրդը կը հաւաքուի, իր ընդվզումը կը յայտնի, ես էլ պատրաստ եմ իրացնել դա»,- ըսաւ Գալստանեան:
Յիշեցնենք, որ Յունիս 9-ին հրաւիրած հանրահաւաքի ժամանակ Վազգէն Գալստանեանը իր համակիրներուն կոչ ըրած էր 4 օր, այսինքն՝ 96 ժամ, անդադար մնալու փողոցը՝ վստահեցնելով, որ այդ կերպ պիտի հասնին ցանկալի արդիւնքի, այն է՝ իշխանափոխութեան:
Ան նաեւ ընդդիմադիր պատգամաւորներուն կոչ ըրած էր վարչապետին անվստահութիւն յայտնելու գործընթաց սկսելու:
Ազգային Ժողովի Խորհուրդը, սակայն, մերժած է վարչապետ Նիկոլ Փաշինեանի հրաժարականի պահանջով Ազգային Ժողովի արտահերթ նիստ գումարելու ընդդիմութեան միջնորդութիւնը:
Այնուհետեւ պարզ դարձաւ, որ իմփիչմենթ յայտնելու համար խորհրդարանական ընդդիմութիւնը չէր կրցած համապատասխան թիւով ձայներ հաւաքել եւ Ազգային Ժողովի օրակարգ տարած էր ոչ թէ իմփիչմենթի, այլ հրաժարականի ուղերձի նախագիծ:
