Վարչապետ Նիկոլ Փաշինեան ընդունած է Սոցիալ Դեմոկրատ Հնչակեան Կուսակցութեան Կեդրոնական Վարչութեան ատենապետ Համբիկ Սարաֆեանը:
Վարչապետը բարձր գնահատած է ՀՀ կառավարութեան եւ ՍԴՀԿ-ի միջեւ ձեւաւորուած երկխօսութիւնը եւ կարեւորած է Սարաֆեանի այցը Հայաստան, ինչ որ հնարաւորութիւն կու տայ քննարկել տեղի ունեցող գործընթացները:
Համբիկ Սարաֆեան նշած է, որ ՍԴՀԿ կը կիսէ ՀՀ կառավարութեան խաղաղութեան օրակարգը, մարտահրաւէրները յաղթահարելուն միտուած քայլերը, ինչպէս նաեւ վարուող արտաքին քաղաքականութիւնը:
Զրուցակիցները քննարկած են արտաքին եւ ներքին քաղաքականութեան, ինչպէս նաեւ ՀՀ կառավարութեան ծրագրերուն վերաբերող հարցեր:
