Home ՀԱՅԱՍՏԱՆ «Խաղաղութեան Խաչմերուկ» Նախագիծի Շրջանակներուն Մէջ Չինաստանէն Հայաստան Հասած Է Առաջին Բեռնատարը

«Խաղաղութեան Խաչմերուկ» Նախագիծի Շրջանակներուն Մէջ Չինաստանէն Հայաստան Հասած Է Առաջին Բեռնատարը

by MassisPost

Հայաստանի Հանրապետութեան կառավարութեան նախաձեռնած «Խաղաղութեան Խաչմերուկ» ծրագրի շրջանակներուն մէջ Մայիս 31-ին Չինաստանի Շանկհայ քաղաքէն Երեւան հասած է առաջին բեռնատարը՝ անցնելով Ղազախստանի, Ուզպեքստանի, Թուրքմենստանի եւ Իրանի տարածքներով։

Չինաստանէն Հայաստան բեռնափոխադրումը տեւած է մօտ 20 օր։

Առաջին բեռնատարի դիմաւորման միջոցառման մասնակցած են Հայաստանի Հանրապետութեան մէջ Ղազախստանի արտակարգ եւ լիազօր դեսպան Պոլաթ Իմանպաեւը, ՀՀ-ի մէջ Թուրքմենստանի արտակարգ եւ լիազօր դեսպան Մուհամետնիյազ Մաշալովը, Ուզպեքստանի Հանրապետութեան մէջ ՀՀ արտակարգ եւ լիազօր դեսպան Արամ Գրիգորեանը, ինչպէս նաեւ ՀՀ տարածքային կառավարման եւ ենթակառուցուածքներու նախարարութեան ճանապարհային փոխադրութեան քաղաքականութեան, արտօնագրաւորման եւ թոյլտուութիւններու վարչութեան պետ Խաչիկ Սողոմոնեանը։

«Հայաստանի Հանրապետութեան կառավարութեան կողմէ մշտապէս կարեւորուած են փոխադրութեան փոխկապակցուածութեան եւ տարածաշրջանային ենթակառուցուածքային ծրագրերու իրականացման ուղղութեամբ գործադրուող ջանքերը»,- այս մասին նշեցին ՀՀ Տարածքային կառավարման եւ ենթակռուցուածքներու նախարարութենէն՝ անդրադառնալով միջոցառման կարեւորութեան եւ Հայաստանի համար «Խաղաղութեան Խաչմերուկ» նախագիծի նշանակութեան:

Նախարարութենէն նաեւ յաւելած են, որ համապատասխան մեխանիզմներ մշակուած են ինչպէս երկկողմ, այնպէս ալ բազմակողմ ձեւաչափերով:

Հարակից Նյութեր

Leave a Comment