Մայիս 23-ին ՀՀ տնտեսութեանի նախարար Գէորգ Պապոյեանը մասնակցած է Արժանթինի ազգային տօնին նուիրուած միջոցառման։
Նախարարը իր ելոյթին մէջ գոհունակութեամբ նշած է, որ երկու երկիրներուն միջեւ դիւանագիտական յարաբերութիւններու հաստատումէն ի վեր կարելի եղած է ամրապնդել աւանդաբար ջերմ բարեկամական յարաբերութիւնները, արդիւնաւէտ համագործակցութիւնն ու գործընկերային սերտ կապերը, որոնք հիմնուած են համերաշխութեան եւ փոխադարձ յարգանքի, ընդհանուր արժէքներու եւ պատմութեան վրայ:
«Արժանթինը Հայաստանի ներդրումային կարեւոր գործընկերներէն է՝ 5-րդը մեր տնտեսութեան մէջ ներդրումներու ծաւալով: Լիայոյս ենք, որ համատեղ ջանքերու շնորհիւ մեր երկու պետութիւններուն միջեւ առեւտրատնտեսական յարաբերութիւնները նոր թափ պիտի ստանան, որուն համար առկայ է անհրաժեշտ ներուժ»,- նշած է Գէորգ Պապոյեան։
