«Մանկական Եւրատեսիլ 2023» երգի միջազգային մրցոյթին, որ տեղի ունեցաւ Նոյեմբեր 26-ին Ֆրանսայի Նիս քաղաքին մէջ, յաղթեց Ֆրանսան: Ֆրանսան յաղթած էր նաեւ «Մանկական Եւրոտեսիլ 2022» մրցոյթին՝ զայն տանելով Նիս:
Ըստ մրցոյթի քուէարկութեան կարգին՝ մասնակից երկիրը առցանց քուէարկութեան միջոցով կրնար ձայն տալ նաեւ իր պատուիրակին: Քուէարկութիւնը մեկնարկած էր Նոյեմբեր 24-էն jesc.tv կայքով, ուր հնարաւոր էր դիտել բոլոր մասնակիցներու ելոյթներուն նախնական տարբերակները:
Քուէարկութիւնը աւարտեցաւ մրցոյթին օրը՝ համերգէն անմիջապէս առաջ: Այն վերսկսաւ մրցոյթի ընթացքին՝ բոլոր ելոյթներէն յետոյ: Քուէարկութիւնը տեւեց 15 վայրկեան: Հեռուստադիտողի քուէն վերածուեցաւ միաւորներու՝ դառնալով մրցոյթի արդիւնքին մէկ մասը, միւս մասը ձեւաւորուեցաւ դատական կազմի գնահատականի հիման վրայ:
Հայաստանի պատուիրակ «Yan Girls» խումբը «Do It My Way» երգով գրաւեց երրորդ դիրքը:
