Երեւանի աւագանիի յառաջիկայ ընտրութիւններուն «Ապրելու Երկիր» կուսակցութիւնը Մանէ Թանդիլեանը պիտի առաջադրէ քաղաքապետի թեկնածու: Այս մասին յայտարարուեցաւ կուսակցութեան մամուլի ասուլիսի ժամանակ:
«Մանէ Թանդիլեանի առաջադրումը եւս մէկ անգամ ընդգծում է մեր վճռականութիւնը ոչ միայն մասնակցել, այլեւ յաղթել Երեւանի ընտրութիւններում», ըսաւ կուսակցութեան Քաղաքական Խորհուրդի անդամ Տիգրան Սահակեանը:
Դեռ Ապրիլին Թանդիլեանը կուսակցութեան համագումարին ատեն յայտնած էր, որ պիտի մասնակցին ընտրութիւններուն` երեւանցիներուն առաջարկելով մէկ միլիոնէ աւելի բնակչութիւն ունեցող Երեւանի յառաջիկայ ընտրութիւնները վերածել «իշխանութեան անվստահութեան հանրաքուէի»: Ան սակայն չէր բացայայտած թեկնածուին անունը:
Իշխող «Քաղաքացիական Պայմանագիր»ը դեռ անցեալ տարի յայտարարած էր, որ Երեւանի քաղաքապետի իրենց թեկնածուն Տիգրան Աւինեանն է: Առայժմ իրենց մասնակցութեան մասին յայտնած են նաեւ գործարար Տիգրան Արզաքանցեանի կինը` Նաթալիա Ռոթենպերկը, երգահան Ռուբէն Հախվերտեանը, փաստաբան Նորայր Նորիկեանը, «Լուսաւոր Հայաստան» կուսակցութենէն Դաւիթ Խաժակեանը եւ եւս քանի մը հոգի: