ԱՄՆ մայրաքաղաք Ուաշինկթընի մէջ կայացած է Հայաստանի արտաքին գործերու նախարար Արարատ Միրզոյեանի եւ ԱՄՆ պետական քարտուղար Էնթընի Պլինքընի հանդիպումը:
Միրզոյեան ու Պլինքըն քննարկած են տարածաշրջանին մէջ կայունութեան ու անվտանգութեան առնչուող հարցեր, Հայաստանի եւ Ատրպէյճանի միջեւ յարաբերութիւններու կարգաւորման գործընթացը:
Անդրադարձ կատարուած է Ատրպէյճանի կողմէ Լաչինի միջանցքի ապօրինի արգելափակման հետեւանքով ստեղծուած մարդասիրական իրավիճակին:
Միացեալ Նահանգներու մէջ նախատեսուած է նաեւ Միրզոյեանի հանդիպումը Ատրպէյճանի արտաքին գործերու նախարար Ճէյհուն Պայրամովի հետ: