Home ԳԼԽԱՒՈՐ ԼՈՒՐԵՐ ԱՄՆ Պետական Քարտուղարութիւնը Իր Զեկոյցին Մէջ Անդրադարձած Է Պաքուի Զինուժի Վայրագութիւններուն

ԱՄՆ Պետական Քարտուղարութիւնը Իր Զեկոյցին Մէջ Անդրադարձած Է Պաքուի Զինուժի Վայրագութիւններուն

by MassisPost

ԱՄՆ Պետական Քարտուղարութիւնը հրապարակած է Հայաստանի մէջ մարդու իրաւունքներու իրավիճակին վերաբերեալ զեկոյց, որուն մէջ մանրամասն անդրադարձած է նաեւ Հայաստանի դէմ սեպտեմբերեան յարձակման ընթացքին ատրպէյճանցի զինուորներու թոյլ տուած վայրագութիւններուն:

Զեկոյցին մէջ կը նշուի հաղորդումներու մասին, որ սեպտեմբերեան հակամարտութեան ընթացքին ատրպէյճանական ուժերը իրագործած են անօրինական սպանութիւններ, դաժան եւ անմարդկային վերաբերմունքի ենթարկած են հայ զինուորականները:

Կը նշուի, որ Կարմիր խաչի միջազգային կոմիտէն ուսումնասիրած է Ատրպէյճանի հետ հակամարտութեան հետեւանքով անհետ կորսուած անձերուն դէպքերը: Կը նշուի, որ 2020 թուականի աշնան պատերազմէն յետոյ 203 մարդ (այդ շարքին` 20 քաղաքացիական անձ) կը համարուի անհետ կորսուած, իսկ Սեպտեմբեր 13-14-ի հակամարտութեան հետեւանքով անհետ կորսուած կը համարուի 3 զինուորական:

ԱՄՆ Պետական Քարտուղարութիւնը կ’անդրադառնայ նաեւ ատրպէյճանցի զինուորներու կողմէ 7 հայ զինուորի անօրինական մահապատիժին, որ, Human Rights Watch հասարակական կազմակերպութեան եւ Bellingcat-ի հետաքննող լրագրողներու հաւաստմամբ, նկարահանուած է 2022 թուականի Սեպտեմբերի կէսերուն:

Զեկոյցը նաեւ կը յիշատակէ սեպտեմբերեան հակամարտութեան ընթացքին հայ կին զինուորներու մարմիններուն նկատմամբ անմարդկային վերաբերմունքի դէպքերը, ատրպէյճանական ուժերուն կողմէ քաղաքացիական ենթակառուցուածքներուն հարուածները, շտապ օգնութեան ինքնաշարժներու թիրախաւորումը:

Հայաստանի մէջ դատարաններն անկախ չեն. անոր վկայութիւնն են փտածութեան եւ քաղաքական ազդեցութեան երեւոյթները, բարեփոխումներու իրականացման դիմադրելու դէպքերն ու վերջին աղմկահարոյց գայթակղութիւնները:

Զեկոյցին մէջ կ’ըսուի, որ կան կառավարութեան կողմէ դատաւորներուն վրայ ազդելու փորձերու մասին չհաստատուած տեղեկութիւններ:

Ըստ զեկոյցին, Հայաստանի մէջ քաղաքական բանտարկեալներու կամ կալանաւորներու առկայութեան մասին արժանահաւատ տեղեկութիւններ չկան:

Կառավարութիւնը ընդհանուր հաշիւով կը յարգէ խօսքի ազատութեան իրաւունքը, թէեւ կան որոշակի սահմանափակումներ: Զեկոյցին մէջ կը նշուի, որ իշխանութիւնը չէ ներառած «ծանր վիրաւորանքը» մինչեւ Յուլիս 1 ուժի մէջ մտած Քրէական օրէնսգիրքին մէջ, եւ այդ տուած է այդ յօդուածը ապաքրէականացնելու հնարաւորութիւն:

Հարակից Նյութեր

Leave a Comment