Հակափտածութեան Դատարանը վարոյթ ընդունած է ապօրինի ծագում ունեցող գոյքի բռնագանձման վերաբերեալ հերթական` 30-րդ եւ 31-րդ հայցադիմումները:
Մէկ հայցադիմումով Գլխաւոր Դատախազութեան ապօրինի ծագում ունեցող գոյքի բռնագանձման գործերով վարչութիւնը պահանջ ներկայացուցած է դատարանին` «Հիւսիս-Հարաւ ճանապարհային միջանցք» ծրագրի «թրանշ 1» եւ «թրանշ 2» հատուածներու կապալառու սպանական «Քորսան Քորուիամ Քոնսթրուքցիոն» ընկերութեան հայաստանեան մասնաճիւղի ենթակապալառու «Փոլի-թրանսթորփ» ընկերութեան բաժնետէր Գ.Վ.-էն յօգուտ Հայաստանի Հանրապետութեան որպէս ապօրինի ծագում ունեցող գոյք բռնագանձել`
Երեւան քաղաքի Աջափնեակ համայնքի Վահագնի թաղամասի Ն. Շնորհալի փողոցին վրայ գտնուող բնակելի տունը, 2 փոխադրութեան միջոց, 3 իրաւաբանական անձերու մէջ մասնակցութիւն, իսկ անհնարինութեան պարագային` անոնց միջին շուկայական արժէքը, որ ընդհանուր կը կազմէ աւելի քան 163 միլիոն դրամ.
33 միլիոն դրամ` որպէս ապօրինի եկամուտի մնացորդի եւ օրինական եկամուտներով չհիմնաւորուող, բարեխիղճ երրորդ անձերու փոխանցուած դրամի հանրագումար:
Միւս հայցադիմումով ՀՀ Գլխաւոր Դատախազութեան ապօրինի ծագում ունեցող գոյքի բռնագանձման գործերով վարչութիւնը պահանջ ներկայացուցած է դատարանին ՀՀ տարածքային կառավարման նախկին նախարար, ԱԺ նախկին նախագահ, նախկին ՀՀ վարչապետ Յ.Ա.-էն, անոր կնոջմէ` Ջ.Ա.-էն, որդիէն, դուստրերէն, իրեն փոխկապակցուած այլ անձերէ (աշխատակիցներ, ազգականներ եւ անոնց ամուսիններ) յօգուտ Հայաստանի Հանրապետութեան բռնագանձել`
59 անշարժ գոյք, որմէ 15-ը` Երեւան քաղաքին մէջ, մեծաւ մասամբ Կեդրոն վարչական շրջանին մէջ, 12-ը Արարատի մարզի Մխչեան համայնքին մէջ, 10-ը` Նարեկ համայնքին մէջ, 2-ը` Կոտայքի մարզ, Արզական համայնքին մէջ, 6-ը` Կոտայքի մարզ Ծաղկաձոր համայնքին մէջ, 1-ը` Վայոց Ձորի մարզ, Ջերմուկ համայնքին մէջ, 1-ը` Գեղարքունիքի մարզ, Սեւան համայնքին մէջ, 6-ը` Տաւուշի մարզ, Դիլիջան համայնքին մէջ, 3-ը Կոտայքի մարզ, Մեղրաձոր համայնքին մէջ, 1-ը` Արարատի մարզ, Մարմարաշէն համայնքին մէջ, 1-ը Արարատի մարզ, Այնթապ համայնքին մէջ, 1-ը` Արարատի մարզ, Արեւաբոյր համայնքին մէջ.
4 ինքնաշարժ.
20 ընկերութիւններու մասնակցութիւններ եւ բաժնետոմսեր.
շուկայականէն էականօրէն ցած արժէքով օտարուած 9 գոյքերու շուկայական արժէքներ` ընդհանուր` 1 միլիառ 628 միլիոն 277 հազար 90 դրամ.
ընկերութիւններուն տրուած փոխառութիւններէն ծագող պահանջի իրաւունք` 11 միլիոն 292 հազար 570 տոլարի, 687 միլիոն 500 դրամի եւ 3 միլիոն 117 հազար 680 եւրոյի չափով.
21 միլիառ 202 միլիոն 67 հազար 797 դրամ` որպէս ապօրինի եկամուտի մնացորդի եւ օրինական եկամուտներով չհիմնաւորուող, բարեխիղճ երրորդ անձերու փոխանցուած կամ չնոյնականացուած դրամի հանրագումար: