Վարչապետ Նիկոլ Փաշինեան ընդունած է Ռասմուսեն Կլոպալ միջազգային քաղաքական խորհրդատուական կազմակերպութեան հիմնադիր նախագահ եւ ՆԱԹՕ-ի նախկին գլխաւոր քարտուղար Անտերս Ֆոկ Ռասմուսենը եւ անոր գլխաւորած պատուիրակութիւնը:
Նիկոլ Փաշինեան եւ Անտերս Ֆոկ Ռասմուսեն ջերմութեամբ յիշած են սոյն թուականի Փետրուար 18-ին Միւնիխի Անվտանգութեան Համաժողովի ծիրին մէջ ունեցած հանդիպումը:
Զրուցակիցները միտքեր փոխանակած են տարածաշրջանային զարգացումներու եւ անվտանգային մարտահրաւէրներու շուրջ: Քննարկուած են Հարաւային Կովկասի մէջ անվտանգութեան ու կայունութեան վերաբերող հարցեր, երկուստեք կարեւորուած են այդ ուղղութեամբ շարունակական ջանքերը: