Home ԳԱՂՈՒԹԱՅԻՆ Հանդիպում-Քննարկում Լրագրող Թաթուլ Յակոբեանի Հետ

Հանդիպում-Քննարկում Լրագրող Թաթուլ Յակոբեանի Հետ

by MassisPost

Լրագրող, Հայկական Ուսումնասիրութիւններու ԱՆԻ Կեդրոնի համակարգող Թաթուլ Յակոբեանը 2023 Մարտի 7-էն 19-ը հանդիպում-քննարկումներու շարք կը պիտի ունենայ Միացեալ Նահանգներու Արեւելեան ափի եւ Արեւմտեան ափի մի քանի քաղաքներու հայութեան հետ:

Մարտ 15-ին նախատեսուած է հանդիպում Փասատինայի մէջ կազմակերպութեամբ ՍԴՀԿ-ի Քաղաքական դիւանի AEBU Center 1060 N Allen Ave, Pasadena, CA 91104, երեկոյեան ժամը 8-ին:

Հանդիպում-քննարկումներու առանցքը պիտի ըլլայ իրավիճակը Հայաստանի եւ Արցախի մէջ, մասնաւորապէս 2022 թ. Սեպտեմբերեան երկօրեայ պատերազմէն յետոյ, երբ Ատրպէյճանը նոր տարածքներ գրաւեց Հայաստանի ինքնիշխան տարածքին մէջ` Գեղարքունիքի, Վայոց ձորի եւ Սյունիքի մարզերուն մէջ:

Հանդիպում-քննարկումներու ընթացքին Թաթուլ Յակոբեան պիտի անդրադառնայ Հայաստան-Ատրպէյճան սահմանին տիրող իրավիճակին, Սիւնիքի  եւ Արցախի մէջ ստեղծուած նոր պայմաններուն` 44-օրեայ պատերազմէն յետոյ, Արցախի շրջափակմանը:

Ձեռնարկն աւարտին ներկաները հնարաւորութիւն պիտի ունենան ձեռք բերել Յակոբեանի եւ ԱՆԻ կեդրոնի հրատարակութիւնները:

Թաթուլ Յակոբեան աւարտած է Երեւանի պետական համալսարանի Ժուռնալիստի ֆակուլտետն ու Վրաստանի հանրային կապերպու համալսարանը (Թիֆլիս):

Ան  աշխատած է «Անկախութիւն» (1991-1995), «Երկիր» (1998-2000), «Ազգ» (2000-2005), ՀԵՏՔ (2005-2006), «Ազդակ» (2005-2016), «The Armenian Reporter» (2008-2009) պարբերականներուն մէջ, Հայաստանի Հանրային ռատիոյի (2004-2008),- «Սիվիլիթաս» հիմնադրամի եւ «ՍիվիլՆեթ» օնլայն հարթակին մէջ (2009-2021), ԱԼԻՔ ՄԵԴԻԱ հարթակի (2021-2023):

Թաթուլ Յակոբեան Հայկական Ուսումնասիրութիւններու ԱՆԻ հիմնադրամի համակարգողն է եւ հիմնադիրը 2014 թուականի Նոյեմբերէն սկսեալ:

2005-ին Յակոբեան արժանացած է Երեւանի մամուլի ակումբի ամէնամեայ մրցանակին` «Ազգ» թերթին մէջ տարածաշրջանային զարգացումները լուսաբանելու համար:

2009թ. ան ստացած է Երեւանի մամուլի ակումբի մէկ այլ մրցանակ` իր «Կանաչ ու Սեւ. արցախեան օրագիր» գիրքի համար:

2014-ին ան արժանացած է Հայկաշէն Օզունեան գրական մրցանակին իր երկրորդ‘ «Հայերը ու թուրքերըՙ գիրքի համար:

2016թ. Յակոբեան արժանացած է Երեւանի մամուլի ակումբի «Մամուլի ազատութեան ժամանակը» մրցանակին` Ղարաբաղեան հակամարտութեան հետեւողական եւ համակողմանի լուսաբանման համար:

2019 թ. Յակոբեանն արժանացած է Media Excellence Award (2018 Universal Rights Award) մրցանակին:

Հարակից Նյութեր

Leave a Comment