ԵՄ-ն նախկինին պէս մտահոգուած է, որ Լաչինի միջանցքով տեղաշարժման ազատութեան շարունակուող խաթարումը կ’ազդէ Լեռնային Ղարաբաղի մէջ մարդու իրաւունքներու, այդ շարքին` առողջութեան, կրթութեան եւ սնունդի իրաւունքներուն վրայ:
ԵՄ-ն Ատրպէյճանի իշխանութիւններուն եւ բոլոր պատասխանատուներուն կոչ կ’ընէ երաշխաւորելու միջանցքով տեղաշարժուելու ազատութիւնն ու անվտանգութիւնը` համաձայն 2020 թուականի Նոյեմբեր 9-ի եռակողմ յայտարարութեան, եւ ենթարկուելու Արդարադատութեան Միջազգային Դատարանի 2023 թուականի Փետրուար 22-ի որոշման: ԵՄ-ն Ատրպէյճանին եւ Հայաստանին կոչ կ’ընէ շարունակելու ներգրաւուիլ երկխօսութեան մէջ, այդ շարքին ` երկիրներու ղեկավարներու մակարդակով:
Մենք անհամբեր կը սպասենք Եւրոպական Խորհուրդի նախագահ Շարլ Միշէլի աջակցութեամբ խաղաղ գործընթացի շարունակման: