ԱՄՆ գոնկրէսական Ատամ Շիֆ անդրադարձած է Մարտ 5-ին Արցախի մէջ ատրպէյճանական գործողութեան: Իր յայտարարութեան մէջ Շիֆ նշած է, որ ատրպէյճանական ուժերու յարձակումը, որուն հետեւանքով զոհուած է արցախցի 3 ոստիկան, կանխամտածուած սպանութեան եւս մէկ արարք է եւ կը յանգեցնէ Ատրպէյճանի դէմ պատժամիջոցներ սահմանելու անհրաժեշտութեան` մարդու իրաւունքներու եւ Արցախի ժողովուրդի ինքնորոշման իրաւունքու խախտումներուն համար:
«Սա հերթական բռնութիւնն է, որ տեղի ունեցած է Լաչինի միջանցքի շրջափակման հետեւանքով յառաջացած եւ շարունակուող մարդասիրական ճգնաժամի ընթացքին, որուն պատճառով 120.000 մարդ յայտնուած է սարսափելի պայմաններու մէջ: ԱՄՆ պէտք է դատապարտէ Ատրպէյճանի յարձակումները Արցախի վրայ եւ պատասխանատուութեան ենթարկէ Ալիեւի վարչակարգը», յիշեցուցած է գոնկրէսականը:
Ան ԱՄՆ Պետական Քարտուղարութեան եւ Պայտընի վարչակազմին կոչ ըրած է օգտագործելու բոլոր հասանելի դիւանագիտական խողովակները` տարածաշրջանին մէջ աճող անկայունութեան խնդիրը լուծելու եւ Արցախի անվտանգութեան ու ինքնիշխանութեան նկատմամբ յարգանք ապահովելու համար: