Home ՀԱՅԱՍՏԱՆ Հայաստանի Տնտեսական Աշխուժութեան Ցուցանիշը Նախորդ Տարի Աճած Է 14.2 Տոկոսով

Հայաստանի Տնտեսական Աշխուժութեան Ցուցանիշը Նախորդ Տարի Աճած Է 14.2 Տոկոսով

by MassisPost

Հայաստանի տնտեսական աշխուժութեան ցուցանիշը 2022 թուականի 12 ամիսներուն ընթացքին 2021 թուականի համեմատ աւելցած է 14.2 տոկոսով: Այս մասին կը փաստեն ՀՀ Վիճակագրական Կոմիտէի հրապարակած տուեալները:

Արդիւնաբերական արտադրանքին ծաւալը նախորդ տարի 2021-ին համեմատ աւելցած է 7.8 տոկոսով: Գիւղատնտեսութեան համախառն արտադրանքին ծաւալը նախորդ տարուան 12 ամիսներու ընթացքին աճած է 0.4 տոկոսով:

Շինարարութեան ծաւալներուն մէջ նախորդ տարի արձանագրուած է 12.5 տոկոս աճ, առեւտուրի շրջանառութեան մէջ 2022-ի Յունուար-Դեկտեմբերին 2021-ի նկատմամբ  յաւելումը կազմած է 17 տոկոս:

2022 թուականին մատուցուած ծառայութիւններուն ծաւալը 2021-ի նկատմամբ աւելցած է 28.2 տոկոսով:

Ինչ կը վերաբերի սպառողական գիներուն, ապա 2022-ին սպառողական գիներու ցուցակը աճած է 8.6 տոկոսով: Իսկ արդիւնաբերական արտադրանքի գիներուն ցուցակը աճած է 2.6 տոկոսով: Ելեկտրականութեան արտադրութեան ծաւալը նախորդ տարուան 12 ամիսներուն 2021-ի նոյն ժամանակին համեմատ աւելցած է 16.1 տոկոսով:

Հայաստանի մէջ միջին ամսական անուանական աշխատավարձը 2022 թուականի Յունուար-Դեկտեմբերին աւելցած է 15.5 տոկոսով` կազմելով 235 հազար 576 դրամ: Ընդ որում, պետական հատուածին մէջ յաւելումը եղած է 4.3 տոկոս` 186 հազար 940 դրամ, ոչ-պետականին մէջ յաւելումը եղած է 19 տոկոս` կազմելով 256 հազար 733 դրամ:

Արտաքին առեւտրաշրջանառութեան ծաւալներուն մէջ 2022-ին 2021-ի համեմատ արձանագրուած է 68.6 տոկոս աճ, ընդ որում արտահանումը աճած է 77.7 տոկոսով, իսկ ներմուծումը` 63.5 տոկոսով:

Դրամին փոխարժէքը ԱՄՆ տոլարին նկատմամբ 2022-ի Յունուար-Դեկտեմբերին կազմած է 435.67:

 

Հարակից Նյութեր

Leave a Comment