Տարհանման պատճառը դեսպանատան վրայ Յունուար 27-ի առաւօտեան տեղի ունեցած զինուած յարձակումն է: Այս մասին յայտնած է Ատրպէյճանի Արտաքին Գործերի Նախարարութեան Մամուլի ծառայութեան ղեկավար Այխան Հաճիզատէն:
Իրանի ոստիկանութիւնը ձերբակալած է առաւօտեան Թեհրանի մէջ Ատրպէյճանի դեսպանատան վրայ յարձակում իրականացնող անձը: Այս մասին հաղորդած է Թեհրանի ոստիկանապետ, զօրավար Հոսէյն Ռահիմին:
Ռահիմին նշած է, որ յարձակուղը առաւօտեան մտած է դեսպանութեան շէնք եւ հրազէնէ կրակ բացած է: Միջադէպին հետեւանքով 1 մարդ սպաննուած է, եւս 2 հոգի` վիրաւորուած:
Թեհրանի ոստիկանապետը նշած է, որ յարձակողը շէնք մտած է իր երկու երեխաներուն հետ: Նախաքննութեան ժամանակ որպէս հրաձգութեան շարժառիթ յարձակողը նշած է «անձնական եւ ընտանեկան խնդիրներ»:
Ըստ Ատրպէյճանի Արտաքին Գործերու Նախարարութեան յայտարարութեան` յարձակողը զինուած եղած է Քալաշնիքովով: Երկու վիրաւորներուն վիճակը բաւարար է:
Միւս կողմէ, նոյն օրը խումբ մը իրանցիներ հաւաքուած են Թեհրանի մէջ` բողոքելու Լաչինի միջանցքի փակման եւ Արցախի ժողովուրդի իրաւունքներու ոտնահարման դէմ: