Տիեզերք ուղարկուած Հայաստանի արբանեակով կատարուած լուսանկարները կրնան կիրառուիլ գիւղատնտեսութեան, կենսոլորտի պահպանման, արտակարգ իրավիճակներու եւ շարք մը այլ ոլորտներու մէջ, նաեւ գիտական նպատակներով:
Այս մասին ըսաւ բարձր արհեստագիտական արդիւնաբերութեան նախարար Ռոպերթ Խաչատրեանը:
«Արբանեակի բոլոր ենթահամակարգերն ու սարքերն, այդ շարքին` տեսողական եւ կապի, առանձին-առանձին յաջողութեամբ քննուած են, արդիւնքները դրական են: Քննութեան գործընթացները տեղի են ունենում ըստ նախատեսուած ժամանակացոյցի», նշեց նախարարը:
Արբանեակի` ուղեծիրին մէջ օգտագործման երաշխաւորուած ժամանակը նուազագոյնը 4 տարի է: Արբանեակի փաստացի աշխատանքին ժամկէտը կրնայ գերազանցել երաշխիքային ժամանակահատուածը: Աշխատանքները պիտի իրականացուին «Կէոքոսմոս» ընկերութեան աշխատակիցներուն կողմէ, որոնք համապատասխան վերապատրաստում պիտի անցնին:
««ARMSAT-1» արբանեակի կառավարման կեդրոնը եւ ընդունիչ կայանն այս տարի պատրաստ կը լինեն գործարկման: Կառավարման կեդրոնը հնարաւորութիւն կը տայ արբանեակն ամբողջութեամբ կառավարել Հայաստանից` մեր մասնագէտների միջոցով», նշեց Խաչատրեան:
«ARMSAT-1»-ը ՀՀ առաջին տիեզերական արբանեակն է, որ 2022 թուականի Մայիս 25-ին` ժամը 22:35-ին, ԱՄՆ Գանաւերլ հրուանդանին մէջ գտնուող տիեզերակայանէն, Space-X ընկերութեան տիեզերանաւով Երկիր մոլորակի ուղեծիր դուրս բերուած է:
Մայիս 26-ին «ARMSAT-1»-ը առաջին անգամ կապ հաստատած է Երկրին հետ եւ ցոյց տուած է իր ենթահամակարգերու անուանական կարգավիճակը:
