Հայաստանէն արտահանումը նախորդ տարուան 11 ամսուան մէջ աճած է 75.2 տոկոսով, աճ նկատուած է արտահանուող գրեթէ բոլոր ապրանքատեսակներուն մէջ, որոշ երկիրներ արտահանումը աճած է անգամներով, օրինակ` դէպի Կիպրոս արտահանումը 2022-ի Յունուար-Նոյեմբերին աւելցած է աւելի քան 211 անգամ: Այս մասին կը վկայեն ՀՀ Վիճակագրական Կոմիտէի հրապարակած տուեալները:
Այսպիսով Յունուար-Նոյեմբերին ամենաշատը աճած է Կիպրոս արտահանումը` 211.4 անգամ` կազմելով 4 միլիոն 757.6 հազար տոլար, այնուհետեւ դէպի Յունաստան արտահանումը, այն աճած է 14.1 անգամ` կազմելով 1 միլիոն 324.2 հազար տոլար, 7.1 անգամ աճած է դէպի Արաբական Միացեալ Էմիրութիւններ արտահանումը` կազմելով 479 միլիոն 220.5 հազար տոլար: 2.7 անգամ աճած են դէպի Ռուսիա, Պելառուսիա, Ղրղզստան արտահանման ծաւալները: Էական աճ արձանագրուած է նաեւ դէպի Լիթուանիա, Վրաստան, Իրան, Միացեալ Թագաւորութիւն եւ Քորէա արտահանման ծաւալներուն մէջ:
Այնուամենայնիւ, Յունուար-Նոյեմբերին ամենամեծ ծաւալի արտահանում եղած է դէպի Ռուսիա` 2 միլիառ 68 միլիոն 91 հազար տոլարի, այնուհետեւ դէպի Արաբական Միացեալ Էմիրութիւններ` 479 միլիոն 220.5 հազար տոլարի, ապա Չինաստան` 329 միլիոն 806.9 հազար տոլարի, ուր սակայն նախորդ տարուան համեմատ արտահանումը նուազած է 8.6 տոկոսով: Ընդհանուր առմամբ` ԵԱՏՄ երկիրներ արտահանուած է 2 միլիառ 155 միլիոն 706.2 հազար տոլարի ապրանք, ԱՊՀ այլ երկիրներ` 38 միլիոն 318.3 հազար տոլարի, իսկ ԵՄ երկիրներ` 717 միլիոն 240.6 հազար տոլարի:
Անցեալ տարուան Յունուար-Նոյեմբերին արտահանման աճ նկատուած է գրեթէ բոլոր ապրանքատեսակներուն մէջ: Արտահանման ծաւալներով առաջատար շարունակած է մնալ հանքահումքային արտադրանքը` 929 միլիոն 101.3 հազար տոլարի, այնուհետեւ թանկարժէք եւ կիսաթանկարժէք քարերը, թանկարժէք մետաղները եւ անոնցմէ իրերը` 885 միլիոն 319.4 հազար տոլարի, այնուհետեւ մեքենաները, սարքաւորումները եւ մեխանիզմները` 61 միլիոն 5,291.2 հազար տոլարի: