Թուրքիոյ Սահմանադրական Դատարանը որոշած է, որ հայկական հիմնադրամներու երկու գոյքը վերադարձնելու պահանջի մերժումը կ’ոտնահարէ անոնց սեփականութեան իրաւունքը եւ պէտք է վերանայուի:
Թուրքիոյ մէջ մնացած հայկական միակ գիւղի` Վաքըֆլիի եկեղեցին եւ Սթամպուլի Սուրբ Փրկիչ հիւանդանոցը նախապէս իշխանութիւններուն կողմէ բռնագրուած էին եւ փոխանցուած՝ գանձապետարանի օգտին:
«Հիւրիէթ Տէյլի Նիւզը» կը յայտնէ, որ Սահմանադրական Դատարանի որոշումը Թուրքիոյ պաշտօնաթերթին մէջ հրապարակուած է Յունուար 6-ին, եւ կը նշէ, որ հայկական հիմնադրամները Թուրքիոյ Բարձր Դատարան դիմած են ընդհանուր առմամբ 41 գոյք եւ ունեցուածք վերադարձնելու պահանջով:
