ՀՀ վարչապետ Նիկոլ Փաշինեան Սան Փեթերպուրկի մէջ մասնակցած է ԱՊՀ մասնակից պետութիւններու ղեկավարներու ոչ-պաշտօնական գագաթաժողովին:
Միջոցառման մասնակցած են նաեւ Ռուսիոյ Դաշնութեան նախագահ Վլատիմիր Փութինը, Ղազախստանի նախագահ Քասիմ-Ժոմարթ Թոքաեւը, Ղրղզստանի նախագահ Սատիր Ժափարովը, Պելառուսիոյ նախագահ Ալեքսանտր Լուքաշենքօն, Տաճիկստանի նախագահ Էմոմալի Ռահմոնը, Ուզպեքստանի նախագահ Շաւքաթ Միրզիյոեւը, Թուրքմէնստանի նախագահ Սերտար Պերտիմուհամետովը, Ատրպէյճանի նախագահ Իլհամ Ալիեւը:
Նախ տեղի ունեցած է հանդիպման մասնակիցներու տեսալուսանկարահանման արարողութիւնը, այնուհետեւ ներկաները ողջունած է Ռուսիոյ նախագահ Վլատիմիր Փութինը:
Հանդիպման ընթացքին քննարկուած են ԱՊՀ տարածքին համագործակցութեան զարգացման վերաբերող հարցեր: