Ատրպէյճանական կողմը կը պնդէ, որ «Ատրպէյճանի տարածքիին ժամանակաւորապէս տեղակայուած ռուս խաղաղապահներու զօրախումբը հանքերուն մէջ վերահսկողութեան պայմաններ չէ ապահոված»: Այդ մասին յայտնած է Լաչինի միջանցքին մէէջ բողոքի շարժումներուն մասնակից, «վերահսկողական խումբի» նախագահ Մասիմ Մամետովը:
«Տնտեսութեան, Բնապահպանութեան եւ Բնական Պաշարներու նախարարութիւններու, Գոյքի Կառավարման Հարցերով Պետական Ծառայութեան եւ AzerGold ընկերութեան ներկայացուցիչները ռուս խաղաղապահներու շտաբին մէջ հանդիպում ունեցած են», ըսած է Մամետով:
Ըստ անոր` ատրպէյճանցիները խօսած են «ղըզըլպուլաղի» (Գաշեն) եւ «Տեամիրլիի» (Տրմպոն) հանքերուն մէջ վերահսկողութիւն կատարելու անհրաժեշտութեան մասին:
«Դժբախտաբար, վերահսկողութեան համար վերստին չեն եղած անհրաժեշտ պայմաններ, եւ դրուած խնդիրը չենք կրցած լուծել», ըսած է Մասիմ Մամետով՝ Լաչինի միջանցքին մէջ հաւաքուած լրագրողներուն: