Հայաստանի Ազգային Ժողովը երկրորդ ընթերցմամբ ընդունեց օրէնսդրական փոփոխութիւնը, համաձայն որուն` նուազագոյն աշխատավարձը 2023 թուականի Յունուար 1-էն պիտի դառնայ 75 հազար դրամ` ներկայիս 68 հազարի փոխարէն:
Կողմ քուէարկեցին 65, ձեռնպահ` 27 պատգամաւորներ, դէմ չկայ: Ձեռնպահ էին ընդդիմադիր խմբակցութիւնները:
Հիմնաւորման համաձայն` Հայաստանի մէջ նուազագոյն ամսական աշխատավարձի չափը 2005-ին սահմանուած է 13 հազար դրամ, որ, պարբերաբար բարձրացնելով, 2020-ի Յունուար 1-էն սահմանուած է 68 հազար դրամ:
Կառավարութիւնը կը նախատեսէ մինչեւ 2026 թուականը նուազագոյն աշխատավարձը փուլային տարբերակով բարձրացնել մինչեւ 85 հազար դրամ:
Ըստ հիմնաւորման` նուազագոյն ամսական աշխատավարձի շարունակական բարձրացումը պիտի ապահովուի` հաշուի առնելով երկրին մաքրոտնտեսական ցուցանիշերը: