Արցախի Հանրապետութեան նախագահ Արայիկ Յարութիւնեան Նոյեմբեր 19-ին Ստեփանակերտի մէջ մասնակցած է Արցախի իշխանութիւններուն նախաձեռնութեամբ եւ «Բարգաւաճ Հայաստան» կուսակցութեան նախագահ, բարերար Գագիկ Ծառուկեանի հովանաւորութեամբ հիմնադրուած Ռուսական կեդրոնի բացման հանդիսաւոր արարողութեան:
Կը նշուի, որ կառոյցին գործունէութիւնը ուղղուած պիտի ըլլայ ռուսաց լեզուի, ռուսական մշակոյթի եւ պատմութեան զանգուածականացման, կրթութեան ոլորտին մէջ երկխօսութեան եւ սերտ համագործակցութեան զարգացման: Առկայ հարուստ գրքային ֆոնտին շնորհիւ մատաղ սերունդը հնարաւորութիւն պիտի ունենայ նաեւ ուսումնասիրելու ռուս գրողներու ստեղծագործութիւնները:
Արցախի նախագահը կարեւորած է նման հաստատութիւններու գործունէութիւնը մշակոյթի եւ կրթութեան ոլորտին մէջ հայ-ռուսական կապերու հետագայ զարգացման տեսանկիւնէն:
«Ռուսական կեդրոնների բացումը հանդիսանում է հայ եւ ռուս ժողովուրդների բազմադարեայ բարեկամութեան եւս մէկ ակնառու ապացոյց, եւ մեր սերտ համագործակցութեան վառ օրինակ: Արցախում միշտ յատուկ ուշադրութիւն է դարձուել ռուսաց լեզուի ուսումնասիրութեանը, իսկ կեդրոնի բացումն առաւել քան պահանջուած է ներկայ պայմաններում», նշած է Արայիկ Յարութիւնեանը:
Նախաձեռնութեան կարեւորութիւնը ընդգծող խօսքով հանդէս եկած են նաեւ հանրային գործիչներ, որոնք համոզմունք յայտնա են, որ կեդրոնը պիտի դառնայ կարեւոր մշակութային եւ կրթական օճախ բոլոր արցախցիներուն համար:
