Ռուսիոյ նախագահ Վլատիմիր Փութին Հայաստանի վարչապետ Նիկոլ Փաշինեանի հետ առանձին հանդիպում կը նախատեսէ Հայաստան այցին ժամանակ, ուր Նոյեմբեր 23-ին տեղի պիտի ունենայ Հաւաքական Անվտանգութեան Պայմանագրի Կազմակերպութեան (ՀԱՊԿ) գագաթաժողովը: Այս մասին լրագրողներուն յայտնած է Ռուսիոյ նախագահի մամուլի քարտուղար Տմիթրի Փեսքովը:
«Այո՛, հանդիպում կը նախատեսուի, ի հարկէ», պատասխանած է Քրեմլինի ներկայացուցիչը այն հարցին, թէ կը նախատեսուի՞ արդեօք Ռուսիոյ եւ Հայաստանի ղեկավարներու առանձին հանդիպում Նոյեմբեր 23-ին` Երեւանի մէջ:
Աւելի վաղ Փեսքով հաստատած էր, որ Փութինը Նոյեմբեր 23-ին պիտի մասնակցի Հայաստանի մէջ ՀԱՊԿ գագաթաժողովին:
