ՀՀ Կառավարութիւնը յառաջիկայ 5 տարուան մէջ կը նախատեսէ իրականացնել առնուազն 50 բժշկական կեդրոնի կառուցում, վերակառուցում եւ ամբողջական վերազինում, 2023-ին հիմնականին մէջ նախատեսուած են մարզային ամպուլաթորիաներու վերակառուցման, վերազինման աշխատանքներ:
Այս մասին ըսաւ ՀՀ առողջապահութեան նախարար Անահիտ Աւանեսեան Ազգսային Ժողովի մշտական յանձնաժողովներու համատեղ նիստին 2023 թուականի պետական պիւտճէի նախագիծի քննարկման:
«Կառավարութեան ծրագրով մենք յառաջիկայ 5 տարիներին պէտք է իրականացնենք առնուազն 50 բժշկական կեդրոնների կառուցում, վերակառուցում եւ ամբողջական վերազինում: Ընթացիկ ֆինանսական բարեյաջող աւելացումների պարագայում կարծում ենք, որ յառաջիկայ տարիներին պէտք է ամբողջութեամբ այս խոստումն իրագործենք», ըսաւ Աւանեսեան:
2022 թուականին ընդհանուր շինարարութիւններու ընդհանուր ցանկը կը ներառէ 13 բժշկական կեդրոն: 2023-ին եւս կ’աւելնան բժշկական կեդրոններ: 2023 թուականին հիմնական ուղղուածութիւնը պիտի ըլլան մարզային ամպուլաթորիաներու վերակառուցման, վերազինման նախագիծերը:
«Յաջորդ տարի մենք նախատեսել ենք թուով 20 ամպուլաթորիաների նախագծանախհաշուային աշխատանքներ: Բանակցութիւններ ենք վարում Քաղաքաշինութեան Կոմիտէի հետ` դրանք անելու մոտուլային տարբերակներով, այսինքն` ունենալ մէկ նախագծուած տիպային ամպուլաթորիա, որը յետոյ տեղակապումով կարող ենք տարածել նաեւ բնակավայրերում: Բացի այդ, ներառուած է նաեւ Շիրակում դարմանատան վերակառուցում, Վանաձորի դարմանատան վերակառուցում», ըսաւ նախարարը:
Աւանեսեան ընդգծեց, որ խոստացած են, որ առողջութեան առաջնային օղակի հզօրացումը պիտի ըլլայ իրենց առաջնահերթութիւնը, յառաջիկայ ծրագիրները կոչուած են ծառայելու այդ նպատակին:
Նախագծման աշխատանքները աւարտած են եւ շինարարութիւն պիտի ըլլայ Արմաւիրի եւ Արարատի մարզերուն մէջ ՀՎԿԱԿ-ի երկու մասնաշէնքերու մէջ, պիտի վերակառուցուի նաեւ Վանաձորի վարակիչ հիւանդութիւններու հիւանդանոցի մասնաշէնքը: Համաշխարհային դրամատան ծրագիրներով ալ 2023-ին պիտի աւարտին Մարտունիի եւ Եղէգնաձորի բժշկական կեդրոններու շինարարական աշխատանքները: Մարտունիի բժշկական կեդրոնին Ապրիլին պիտի յանձնուի շահագործման, իսկ Եղէգնձորինը` աշնան:
