2023 թուականի պետական պիւտճէով կը նախատեսուի 144 միլիառ դրամի չափով ֆինանսաւորում տրամադրել Արցախին: Ազգային Ժողովի մշտական յանձնաժողովներու համատեղ նիստին 2023 թուակաի պետական պիւտճէի մասին օրէնքի նախագիծի քննարկման ժամանակ այս մասին ըսաւ ելեւմուտքի նախարար Տիգրան Խաչատրեանը:
Ան նշեց, որ 2022 թուականի համար եւս 144 միլիառ դրամ նախատեսուած էր:
«Այսինքն` առանց փոփոխութեան եկող տարի նոյնչափ կը ֆինանսաւորուի», ըսաւ Խաչատրեան:
Ան յաւելեց, որ ընթացքին խնդիրներ ի յայտ գալու պարագային Հայաստանի կառավարութիւնը յաւելեալ պիտի քննարկէ եւ համապատասխան լուծումներ պիտի տայ անոնց, ինչի համար նախատեսուած է եւս 20 միլիառ դրամ: Որոշումը ընդունուած է ՀՀ կառավարութեան նախորդ նիստին: