Պուլկարիոյ Հանրապետութիւն կատարած պետական այցի շրջանակներուն մէջ նախագահ Վահագն Խաչատուրեան հանդիպած է Պուլկարիոյ հայ համայնքի ներկայացուցիչներուն հետ:
Հանդիպման մեկնարկին Հանրապետութեան նախագահը Երախտագիտութեան մետալով պարգեւատրած է Պուլկարիոյ խորհրդարանի պատգամաւոր, Հայաստան-Պուլկարիա բարեկամական խումբի նախագահ Աթանաս Զաֆիրովը` Հայաստանի եւ Պուլկարիոյ միջեւ բարեկամական յարաբերութիւններու ամրապնդման եւ զարգացման, համամարդկային արժէքներու պաշտպանութեան գործին մէջ ներդրած աւանդին համար:
«Ինծի համար մեծ պատիւ է ստանալ այս պարգեւը, որ զիս կը յանձնէ Հայաստանի Հանրապետութեան նախագահը: Այս շքանշանը մեծ նշանակութիւն ունի, քանի որ կը ներկայացնէ այն աշխատանքը, որ կ’իրականացնեն հազարաւոր պուլկարացիներ եւ հայեր մեր երկիրներու համագործակցութիւնը զարգացնելու համար», ըսած է Աթանաս Զաֆիրովը:
Նախագահ Վահագն Խաչատուրեան նշած է, որ բարձր կը գնահատէ Պուլկարիոյ իշխանութեան վերաբերմունքը մեր հայրենակիցներուն նկատմամբ: «Մենք` ժամանակակիցներս, պարտաւորութիւն ունենք շարունակել այն աւանդոյթները, որոնք գալիս են դարերի խորքից: Մէկ անգամ եւս շնորհաւորում եմ, Ձեզ եւ Ձեր գործընկերներին յաջողութիւն եմ մաղթում», ըսած է նախագահ Խաչատուրեան:
Այնուհետեւ հայ համայնքի ներկայացուցիչներուն հետ հանդիպման ընթացքոին նախագահը հակիրճ ամփոփած է Պուլկարիա կատարած պետական այցին արդիւնքները, անդրադարձած է ներկայիս Հայաստանի եւ տարածաշրջանին մէջ առկայ զարգացումներուն, Արցախի հակամարտութեան կարգաւորման հիմնախնդիրին: Նախագահը կարեւորած է այս օրերիուն Հայաստանի մէջ տեղակայուած ԵՄ դիտորդական առաքելութեան իրականացումը:
«Մենք մեր գործընկեր երկրների աջակցութեան կարիքն ունենք: Խօսքը գնում է ԵՄ աջակցութեան մասին, որի հիմնական նպատակն է Հայաստանի եւ Ատրպէյճանի սահմանային վէճի խնդիրն արձանագրել եւ հետագայում վերահսկողութիւն իրականացնել:
Մենք յոյս ունենք, որ դիտորդական առաքելութիւնը մեզ կ’օգնի արձանագրել այն խախտումները, որոնք տեղի են ունեցել Ատրպէյճանի կողմէ եւ դրանք կը ներկայացնի միջազգային ատեաններում, որից յետոյ պահանջը` զօրքերը հետ քաշելու վերաբերեալ, իրականութիւն կը դառնայ: Այս առումով ե՛ւ Պուլկարիայի, ե՛ւ ԵՄ անդամ այլ երկրների օգնութիւնը շատ կարեւոր է մեզ համար,- ըսած է նախագահ Խաչատուրեանը: -Ատրպէյճանը յայտարարում է, որ մենք ցանկութիւն ունենք իրենց տարածքային ամբողջականութիւնը չճանաչել, իրենց տարածքները գրաւել: Մենք երբեւիցէ այդպիսի ցանկութիւն չենք ունեցել: Մեր ցանկութիւնն է ապրել խաղաղ: Մենք որեւէ ձեւով Ատրպէյճանի տարածքային ամբողջականութեան վրայ հարցական չենք դրել: Մենք ընդունում ենք իրենց տարածքային ամբողջականութիւնը, իրենք պէտք է ընդունեն մեր տարածքային ամբողջականութիւնը: Մենք պէտք է կարողանանք ապահովել այնպիսի միջավայրը, որ մեր երկիրը բարգաւաճի եւ արագ զարգանայ: Մենք գնում ենք դէպի խաղաղութիւն: Այդ խաղաղութիւնն իր գինն ունի մեզ համար, սակայն դա չի նշանակում, որ մենք ծնկաչոք ենք եւ աղերսում էք: Ո՛չ: Մենք ուղղակի յայտարարում ենք, որ ցանկանում ենք առաջ շարժուել խաղաղութեան ճանապարհով: Մենք մեր տարածքի պահապանն ենք, ոչ մի սանթիմեթր զիջելու ցանկութիւն չկայ եւ չի կարող երբեւէ լինել»:
Հանդիպման ընթացքին նախագահ Խաչատուրեան անմիջական մթնոլորտի մէջ հանգամանալից պատասխանած է համայնքի ներկայացուցիչներու բարձրացուցած հարցումներուն, որոնք կը վերաբերէին հայ-թրքական յարաբերութիւններուն, Հայաստանի ուժանիւթային մարտահրաւէրներուն եւ Հայաստանի արտաքին ու ներքին քաղաքականութեան, տնտեսական ու հասարակական կեանքի տարբեր ոլորտներուն:
