Վարչապետ Նիկոլ Փաշինեան ընդունած է Ամերիկայի Հայկական Համագումարի Հոգաբարձուներու Խորհուրդի համանախագահներ Վան Գրիգորեանը եւ Էնթընի Պարսամեանը, Համագումարի գործադիր տնօրէն Պրայըն Արտունին:
Վարչապետը բարձր գնահատած է Ամերիկայի Հայկական Համագումարի գործունէութիւնն ու ծրագիրները ի շահ Հայաստանի Հանրապետութեան եւ հայ ժողովուրդին: Նիկոլ Փաշինեանը կարեւորած է ՀՀ կառավարութեան եւ Սփիւռքի հայկական կազմակերպութիւններուն միջեւ շարունակական երկխօսութիւնն ու համահայկական օրակարգի շուրջ համախմբումը:
Հանդիպման ընթացքին քննարկուած են տարածաշրջանային իրավիճակին, Հայաստանի առջեւ ծառացած մարտահրաւէրներուն, Հայրենիք-Սփիւռք յարաբերութիւններուն եւ համազգային թեմաներուն վերաբերող հարցեր: