Փրակի մէջ տեղի ունեցած է Հայաստանի Հանրապետութեան վարչապետ Նիկոլ Փաշինեանի եւ Թուրքիոյ նախագահ Ռեճեպ Թայիպ Էրտողանի հանդիպումը:
Հայաստան-Թուրքիա կարգաւորման ծիրին մէջ երկուստեք կարեւորուած են ուղիղ շփումներն ու բարձր մակարդակի հանդիպումները:
Նիկոլ Փաշինեան եւ Ռեճեպ Թայիպ Էրտողան քննարկած են Հայաստան-Թուրքիա յարաբերութիւններու կարգաւորման գործընթացն ու այդ ուղղութեամբ հետագայ հնարաւոր քայլերը:
Շեշտուած է երկու երկիրներու յատուկ ներկայացուցիչներու քննարկումներու շնորհիւ ձեռք բերուած պայմանաւորուածութիւններու շուտափոյթ իրականացման անհրաժեշտութիւնը: Մասնաւորապէս, խօսքը կը վերաբերի երրորդ երկիրներու քաղաքացիներուն համար ցամաքային սահմանի բացմանը, Հայաստան-Թուրքիա ուղիղ օդային բեռնափոխադրումներու իրականացման:
Միտքեր փոխանակուած են նաեւ տարածաշրջանային գործընթացներու շուրջ: