ԱՄՆ Արտաքին Գործերու Նախարարութեան ներկայացուցիչ Նետ Փրայսը կոչ ըրած է լիարժէք եւ անաչառ հետաքննելու ատրպէյճանցի զինուորներու կողմէ հայ գերիները մահապատիժի ենթարկելը:
«Միացեալ Նահանգները խորապէս անհանգստացած է վերջին հաղորդագրութիւններէն այն մասին, որ ատրպէյճանցի զինուորները մահապատիժի կ’ենթարկեն անզէն հայ գերիները: Մենք լիարժէք եւ անաչառ հետաքննութիւն կայացնելու կոչ կ’ընենք: Իւրաքանչիւր գազանութեան պատասխանատուները պէտք է պատասխանատուութեան ենթարկուին», Թուիթըրի իր էջով գրած է Փրայս: