Home ՀԱՅԱՍՏԱՆ Ատրպէյճանի Յարձակման Հետեւանքով Հայկական Կողմի Հաստատուած Զոհերուն Թիւը 135 Է

Ատրպէյճանի Յարձակման Հետեւանքով Հայկական Կողմի Հաստատուած Զոհերուն Թիւը 135 Է

by MassisPost

Հայաստանի վրայ Ատրպէյճանի յարձակման հետեւանքով հայկական կողմի զոհերուն հաստատուած թիւը 135 է: Կառավարութեան նիստին ընթացքին այս մասին յայտնեց ՀՀ վարչապետ Նիկոլ Փաշինեան: «Ցաւօք, մենք գիտենք, որ այս թիւը տակաւին վերջնական չէ: Ունենք նաեւ բազմաթիւ վիրաւորներ», ըսաւ Փաշինեան:

Նիստի մեկնարկին վարչապետը նշեց, որ Սեպտեմբեր լոյս 13-ի գիշերը Ատրպէյճանի զինուած ուժերը յարձակում իրականացուցած են Հայաստանի Հանրապետութեան ինքնիշխան տարածքին դէմ: Զինուած ուժերու բազմաթիւ ներկայացուցիչներ, զինուորներ հայրենիքի պաշտպանութեան դիրքերով անձնուրացաբար զոհած են իրենց կեանքը. «Առաջարկում եմ մէկ րոպէ լռութեամբ յարգել բոլոր զոհերի յիշատակը», ըսաւ վարչապետը:

Ատրպէյճանի Պաշտպանութեան Նախարարութիւնը յայտնած է, որ Սեպտեմբեր 13-ի կէսգիշերին Հայաստանի հետ սահմանին սկիզբ առած ռազմական գործողութիւններուն եւս 6 զինուորի սպանութեան մասին:

Այդպիսով, մինչ այժմ ատրպէյճանական կողմի յայտնած տուեալներուն համաձայն` վերջին բախումներուն ատրպէյճանցի 77 զինուոր սպաննուած է:

Հարակից Նյութեր

Leave a Comment