Home ԳԼԽԱՒՈՐ ԼՈՒՐԵՐ Հարցուածներուն 53%-ը Դրական Կարծիք Ունի Նիկոլ Փաշինեանի Մասին. «Միջազգային Հանրապետական Հիմնարկ»ի Հարցում

Հարցուածներուն 53%-ը Դրական Կարծիք Ունի Նիկոլ Փաշինեանի Մասին. «Միջազգային Հանրապետական Հիմնարկ»ի Հարցում

by MassisPost

«Միջազգային հանրապետական հիմնարկին կողմէ 2022 թուականի Յունիսին կատարուած հարցման մասնակիցներուն  53 տոկոսը (2021թ.-45%) խիստ դրական ու դրական կարծիք ունի ՀՀ վարչապետ Նիկոլ Փաշինեանի վերաբերեալ:

Հարցուածներուն 34 տոկոսը (2021թ.-28%) խիստ դրական եւ դրական կարծիք ունի Ալէն Սիմոնեանին վերաբերեալ, 23 տոկոսը`  (2021թ.-20%) Ռոպերթ Քոչարեանին, 23 տոկոսը` (2021թ.-11%) Լեւոն Տէր Պետրոսեանին, 19 տոկոսը` (2021թ.-10%) Սերժ Սարգսեանին, 12 տոկոսը` (2021թ.-9%) Իշխան Սաղաթէլեանին եւ 12 տոկոսը` (2021թ.-7%) Արթուր Վանեցեանի:

Հարցումներուն համաձայն` հարցուողները խիստ բացասական եւ բացասական կարծիք ունին հետեւեալ գործիչներուն մասին. Նիկոլ Փաշինեան-33% (2021թ.-33%), Ալէն Սիմոնեան-37% (2021թ.-40%), Ռոպերթ Քոչարեան-61% (2021թ.-57%), Լեւոն Տէր Պետրոսեան-55% (2021թ.-64%), Սերժ Սարգսեան-63% (2021թ.-69%), Իշխան Սաղաթէլեան-60% (2021թ.-47%), Արթուր Վանեցեան-64% (2021թ.-67%):

Հարցին, թէ ո՞ր քաղաքական գործիչին կամ անձին ամենաշատ կը վստահին, հարցուողները նշած են` Նիկոլ Փաշինեան` 16%, Ռոպերթ Քոչարեան` 3%, ոչ ոքի` 64%, այլ պատասխան` 8%:

Այն հարցին, թէ ո՞ր քաղաքական կուսակցութեանը կամ դաշինքին ձայն կու տային, եթէ խորհրդարանական ընտրութիւնները տեղի ունենային յաջորդ Կիրակի օրը, հարցուողները նշած են` ՔՊ` 25%, «Հայաստան» դաշինք` 6%, ՀՅԴ` 2%, ՀՀԿ` 1%, չի պատրաստուիր քուէարկել հարցուածներուն 25%, ոչ ոքի` 15%:

Հետազօտութեան մասնակցածներու կէսէն աւելին Հայաստանի ամենակարեւոր խնդիրը անվտանգութիւնը կը համարէ, կը յաջորդեն երկրին ներսը քաղաքական անկայունութիւնն ու տնտեսական խնդիրները:

«Ի՞նչ կարծիք ունէք հայ-թրքական յարաբերութիւններու կարգաւորման վերաբերեալ» հարցին, 7 տոկոսը պատասխանած է` շատ դրական,  21 տոկոսը` մասամբ դրական, 11 տոկոսը` մասամբ բացասական, 48 տոկոսը` շատ բացասական, 13 տոկոսը չի պատասխանել հարցին:

«Ձեր կարծիքով, ո՞վ կը կրէ ամենամեծ պատասխանատուութիւնը Ուքրանիոյ մէջ պատերազմին համարէ» հարցին հարցուողներուն 17 տոկոսը պատասխանած է` ԱՄՆ-ն, 16 տոկոսը` բոլոր կողմերը հաւասարապէս, 14 տոկոսը` նախագահ Վոլոտիմիր Զելենսքին անձամբ, 10 տոկոսը` ՆԱԹՕ-ի անդամ երկիրները, 8 տոկոսը` նախագահ Վլատիմիր Փութինը անձամբ, 6 տոկոսը` Ուքրանիոյ իշխանութիւնները, 5 տոկոսը` Ռուսիան, 2 տոկոսը` ԵՄ-ն, 1 տոկոսը` այլ պատասխան եւ 20 տոկոսը չէ պատասխանած հարցին:

Հարցումը իրականացուած է ՀՌԿԿ-Հայաստանի կողմէ Միջազգային Հանրապետական Հիմնարկի Հարցումներու Հետազօտութեան կեդրոնին անունով:

Ընտրանքին մէջ ներառուած են Հայաստանի 1499 բնակիչներ, որոնք ունին բջջային հեռախօսներու հասանելիութիւն եւ 18 եւ աւելի տարեկան են:

Հարակից Նյութեր

Leave a Comment