Վարչապետ Նիկոլ Փաշինեան հեռախօսազրոյց ունեցած է Ռուսիոյ Դաշնութեան նախագահ Վլատիմիր Փութինի հետ:
Զրուցակիցները շնորհաւորած են իրար Հայաստանի եւ Ռուսիոյ միջեւ Բարեկամութեան, համագործակցութեան եւ փոխադարձ օգնութեան պայմանագրի 25-ամեայ յոբելեանին առիթով: Կողմերը համոզմունք յայտնած են, որ այսուհետեւ եւս հայ-ռուսական դաշնակցային փոխշահաւէտ յարաբերութիւնները տարբեր ոլորտներու մէջ պիտի շարունակին արդիւնաւէտ կերպով զարգանալ ու ամրապնդուիլ:
Նիկոլ Փաշինեանը եւ Վլատիմիր Փութինը միտքեր փոխանակած են հայ-ռուսական օրակարգային շարք մը հարցերու շուրջ:
Անդրադարձ կատարուած է նաեւ Լեռնային Ղարաբաղի շուրջ իրավիճակին: Մասնաւորապէս, ընդգծուած է 2020 թուականի Նոյեմբեր 9-ի, 2021 թուականի Յունուա 11-ի եւ Նոյեմբեր 26-ի եռակողմ պայմանաւորուածութիւններու հետեւողական իրականացման կարեւորութիւնը: