Հանրապետութեան Ազգային Անվտանգութեան Ծառայութիւնը զանգուածային լրատուութեան միջոցներուն եւ քաղաքացիներուն կը յորդորէ զերծ մնալ Հայաստանի Հանրապետութեան տարածքին ահաբեկչական գործողութիւններու սպառնալիքներու վերաբերեալ չճշդուած տեղեկութիւններ եւ մեկնաբանութիւններ հրապարակելէ, օգտուիլ բացառապէս պաշտօնական լրահոսէն` հանրութեան շրջանակին մէջ անհարկի խուճապային տրամադրութեան ստեղծումը բացառելու համար:
Միաժամանակ, կը տեղեկացուի, որ Հայաստանի Հանրապետութեան Ազգային Անվտանգութեան Ծառայութիւնը օրէնսդրութեամբ իրեն վերապահուած լիազօրութիւններու շրջանակին մէջ ամբողջ ծաւալով կը վերահսկէ անվտանգային իրավիճակը հանրապետութեան մէջ:
