ՀՀ արտաքին գործերու նախարար Արարատ Միրզոյեան հեռախօսազրոյց ունեցած է ԱՄՆ պետական քարտուղարի եւրոպական եւ եւրասիական հարցերով տեղակալ Քերըն Տոնֆրիտի հետ: ՀՀ Արտաքին Գործերու Նախարարութիւնը կը տեղեկացնէ, որ հեռախօսազրոյցի ընթացքին միտքեր փոխանակուած են տարածաշրջանին մէջ առկայ անվտանգային միջավայրին վերաբերեալ:
Քննարկուած են Հայաստանի եւ Ատրպէյճանի միջեւ յարաբերութիւններու կարգաւորման, Լեռնային Ղարաբաղի հակամարտութեան վերաբերող հարցեր:
Անդրադառնալով 44-օրեայ պատերազմին հետեւանքով ծագած մարդասիրական խնդիրներու լուծման, կողմերը ընդգծած են հայ ռազմագերիներու եւ այլ պահուող անձերու շուտափոյթ ազատ արձակման անհրաժեշտութիւնը:
