Աշխատանքային այցով Փարիզ գտնուող Անվտանգութեան Խորհուրդի քարտուղար Արմէն Գրիգորեան հանդիպած է Մինսքի Խումբի ֆրանսացի համանախագահ Պրիս Ռոքուոյի հետ:
Ինչպէս կը յայտնեն ՀՀ Անվտանգութեան Խորհուրդի գրասենեակէն, հանդիպման ընթացքին զրուցակիցները քննարկած եւ ընդգծած են ԵԱՀԿ Մինսքի Խումբի համանախագահութեան հովանիին ներքոյ Լեռնային Ղարաբաղի հիմնախնդիրի համապարփակ ու տեւական կարգաւորման անհրաժեշտութիւնը:
Արմէն Գրիգորեան զրուցակցին ներկայացուցած է տարածաշրջանային անվտանգային իրավիճակը, հնարաւոր մարտահրաւէրներն ու անոնց լուծման ուղղութեամբ հայկական կողմի տեսակէտները: Անվտանգութեան Խորհուրդի քարտուղարը Ռոքուոյին նաեւ ներկայացուցած է հայ-ատրպէյճանական յարաբերութիւններու կարգաւորման պրիւքսէլեան գործընթացը:
