Ազգային Ժողովը փակ գաղտնի քուէարկութեամբ Աննա Վարդապետեանը ընտրեց ՀՀ գլխաւոր դատախազի պաշտօնին:
Վարդապետեանի թեկնածութիւնը առաջադրած էր «Քաղաքացիական Պայմանագիր» խմբակցութիւնը:
Քուէարկութենէն յետոյ Հաշուիչ Յանձնախումբի նախագահ Նարեկ Պապայեան յայտնեց, որ Ազգային Ժողովի 107 պատգամաւորներէն քուէարկութեան մասնակցած է 70 պատգամաւոր, որոնք բոլորն ալ կողմ քուէարկած էին:
Գլխաւոր դատախազի ընտրութեան հարցի քննարկման, քուէարկութեան ընդդիմադիր երկու խմբակցութիւններբու պատգամաւորները չեն մասնակցած:
Ազգային Ժողովի նախագահ Ալեն Սիմոնեան յայտնեց, որ գլխաւոր դատախազը իր պաշտօնը կը ստանձնէ ԱԺ նիստին տրուած երդմամբ, որ տեղի պիտի ունենայ Սեպտեմբեր 15-ին:
Աննա Վարդապետեանը 2020 թուականի Մարտ 2-էն կը զբաղեցնէ ՀՀ վարչապետի օգնականի պաշտօնը:
Նշենք, որ Սեպտեմբեր 15-ին կը լրանայ ՀՀ գլխաւոր դատախազ Արթուր Դաւթեանի պաշտօնավարման ժամկէտը: Գլխաւոր դատախազը Ազգային Ժողովի իրաւասու մշտական յանձնաժողովի առաջարկութեամբ կ’ընտրուի Ազգային Ժողովին կողմէ` պատգամաւորներու ընդհանուր թիւի ձայներու առնուազն երեք հինգերորդով, վեց տարի ժամկէտով: