«Ռազմական նշանակութեան արբանեակային կապի համակարգերու օգտագործման եւ անոնց հետագայ կատարելագործման մասին» համաձայնագիրը վաւերացնելու մասին նախագիծը Ազգային Ժողովի նիստին ընթացքին ներկայացուց ՀՀ պաշտպանութեան նախարարի տեղակալ Արման Սարգսեանը:
«Նախագծի համաձայն` Հայաստանի Հանրապետութիւնը միանում է Ռուսաստանի Դաշնութիւնում 2018 թուականի Յունիսի 6-ին ԱՊՀ մասնակից պետութիւնների պաշտպանութեան նախարարների խորհրդի նիստի ընթացքում ստորագրուած ռազմական նշանակութեան արբանեակային կապի համակարգերի միասնական օգտագործման նախաձեռնութեանը, որի նպատակն է ՌԴ ռազմական նշանակութեան արբանեակային կապի համակարգի հիման վրայ ձեւաւորել ԱՊՀ ռազմական նշանակութեան արբանեակային կապի համարկուած համակարգ» ըսաւ Սարգսեան:
Ռազմական նշանակութեան արբանեակային կապի համակարգերու օգտագործումն ու կատարելագործումը կ’իրականացուին համաձայնագրի մասնակից պետութիւններու Զինուած Ուժերու կառավարման, յուսալիութեան բարձրացման եւ անոնց միջեւ փոխգործակցութեան կապերու կազմակերպման նպատակներով: Ռուսիոյ Դաշնութեան գործող տիեզերական սարքերու ռեթրանսլեաթորներու թողունակութեան միջոցը համաձայնագրով կը տրամադրուի կողմերուն` ի շահ համաձայնագրի մասնակից պետութիւններու Զինուած Ուժերու կառավարման եւ անոնց Զինուած Ուժերու ռազմական կառավարման մարմիններու փոխգործակցութեան կապերու կազմակերպման:
Հայաստանը համաձայնագրին կը միանայ մէկ վերապահմամբ. այն է, որ Հայաստանի Հանրապետութիւնը առանձին որոշում պիտի կայացնէ` համաձայնագրի դրոյթներու տարածման վերաբերեալ այն պետութիւններուն նկատմամբ, որոնք պիտի միանան սոյն համաձայնագրին:
Նախագիծին մէջ կը նշուի, որ համաձայնագրի շրջանակներուն մէջ համագործակցութիւնը հնարաւորութիւն պիտի ընձեռէ ՀՀ Զինուած Ուժերու կարիքներուն համար ռազմական նշանակութեան կապի ժամանակակից տեսակներու, ինչպէս նաեւ արբանեակային կապի համակարգերու ուղեծիրային խմբաւորման օգտագործման:
Համաձայնագիրը ստորագրուած է Հայաստանի, Ռուսիոյ, Պելառուսիոյ, Ղազախստանի, Ղրղզստանի կողմէ, չէ ստորագրուած Ուքրանիոյ, Ուզպեքստանի, Թուրքմէնստանի, Մոլտովայի եւ Ատրպէյճանի կողմէ: