Երեւան քաղաքի Ընդհանուր Իրաւասութեան Դատարանի դատաւոր Մնացական Մարտիրոսեանը հրապարակեց 2020 թուականի Նոյեմբեր 9-ի լոյս 10-ի գիշերուայ զանգուածային անկարգութիւններուն գործով դատավճիռը: Դատարանը գործով ամբաստանեալներ Անրրի Սեդոյեանը եւ Կարէն Մարութեանը մեղաւոր ճանչնալ իրենց առաջադրուած մեղադրանքներուն մէջ:
Կարէն Մարութեանը դատապարտուեցաւ 6 , իսկ Անրրի Սեդոյեանը` 3 տարուայ ազատազրկման: Անրրի Սեդոյեանը նաեւ պիտի վճարէ տուգանք` 500.000 դրամի չափով:
Կարէն Մարութեանը եւ Անրրի Սեդոյեանը կը մեղադրուին 2020 թուականի Նոյեմբեր 10-ին Երեւան քաղաքին մէջ բազմաթիւ անձերու հետ միասին ջարդերով, գոյք ոչնչացնելով եւ վնասելով զուգորդուած զանգուածային անկարգութիւններուն մասնակցելու, ինչպէս նաեւ` Անրրի Սեդոյեանի հետ նախնական համաձայնութեան գալով` ՀՀ կառավարութեան շէնքի թիւ 218, 219 եւ 402 աշխատասենեակներ ապօրինի մուտք գործելու մեծ չափերով ուրիշի գոյքի բացայայտ յափշտակութիւն կատարելու համար:
Անրիի Սեդոյեանը մասամբ ընդունած է մեղքը, իսկ Կարէն Մարութեանը` ոչ: Պաշտպանական կողմն ալ անհիմն համարած էր անոնց առաջադրուած մեղադրանքը:
Յիշեցնենք, որ մեղադրողը միջնորդած էր Անրրի Սեդոյեանը դատապարտել 7, իսկ Կարէն Մարութեանը` 8 տարուայ բանտարկութեան:
Ի դէպ, դատարանը մերժեց դատախազութեան ներկայացուցած մօտ 2 միլիոն դրամի պահանջը: