ՀԱՊԿ անդամ երկիրներու անվտանգութեան ապահովման ոլորտին մէջ կարեւորագոյն գործօններէն է, եւ կազմակերպութեան պատասխանատուութեան գօտիին մէջ իրավիճակը այդքան ալ կայուն չէ, ըսած է վարչապետ Նիկոլ Փաշինեանը՝ ընդունելով կազմակերպութեան Արտաքին Գործերի Նախարարներու Խորհուրդի նիստին մասնակիցները:
ՀՀ վարչապետը ՀԱՊԿ արտաքին գործերու նախարարներուն հետ հանդիպման ընթացքին անդրադարձած է տարածաշրջանային ընթացիկ իրավիճակին` խօսելով Հայաստան-Ատրպէյճան սահմանազատման եւ սահմանային անվտանգութեան յանձնաժողովի գործունէութեան, տարածաշրջանային հաղորդակցութեան ուղիներու բացման, Ատրպէյճանի մէջ մինչեւ օրս պահուող հայ ռազմագերիներուն, պատանդներուն եւ այլ քաղաքացիական անձերու վերադարձին մասին` կարեւորելով միջազգային հանրութեան աջակցութիւնը:
Հայաստանը շահագրգռուած է տարածաշրջանային հաղորդակցութիւններու ապաշրջափակմամբ, եւ բոլոր ճանապարհները, որոնք պէտք է բացուին, պիտի գործեն այն երկիրներու ինքնիշխանութեան ներքոյ, որոնց տարածքով կ’անցնին. «միջանցքային» որեւէ տրամաբանութիւն չի կրնար ըլլալ, եւ սա համընդհանուր ընկալում է, կառավարութեան փոխանցմամբ` ըսած է Նիկոլ Փաշինեանը:
Վարչապետը նկատած է, որ տակաւին բաց կը մնայ 2021 թուականի Մայիսէն Հայաստանի ինքնիշխան տարածք Ատրպէյճանի զօրքերու ներխուժման հարցը, որուն առնչութեամբ Հայաստանը դիմած է ՀԱՊԿ:
«Այս ծիրին մէջ մտքեր են փոխանակուել ՀԱՊԿ մշտադիտարկման եւ արագ արձագանգման մեխանիզմների լաւարկման շուրջ, ինչը կը բարձրացնի կազմակերպութեան գործունէութեան եւ անդամ երկրների անվտանգային մարտահրաւէրների սպասարկման արդիւնաւէտութիւնը», ըսուած է հաղորդագրութեան մէջ:
