Հայաստանի փոխվարչապետ Մհեր Գրիգորեանը կառուցողական որակած է Հայաստանի եւ Ատրպէյճանի միջեւ սահմանազատման եւ սահմանային անվտանգութեան հարցերու յանձնաժողովներու առաջին հանդիպումը: Մհեր Գրիգորեանը, որ կը ղեկավարէ նաեւ Հայաստանի յանձնաժողովը, ըսած է, որ առաջին հանդիպման ընթացքին քննարկած են բացառապէս հետագայ համատեղ աշխատանքին հետ կապուած կազմակերպչական հարցեր:
«Մայիսի 24-ին մենք հանդիպեցինք սահմանին: Հանդիպումը համարում եմ կառուցողական: Յանձնաժողովների յաջորդ հանդիպման ժամկէտների շուրջ պայմանաւորուածութիւն դեռեւս չկայ, սակայն կայ հաստատում, որ հանդիպումը կայանալու է Մոսկուայում», ըսած է Գրիգորեանը:
ՀՀ փոխվարչապետը նաեւ հաստատած է, որ յաջորդ շաբաթ Մոսկուայի մէջ պիտի կայանայ Հայաստանի, Ռուսիոյ եւ Ատրպէյճանի փոխվարչապետներու համատեղ համանախագահութեամբ ճանապարհային եւ տնտեսական հաղորդակցութիւններու ապաշրջափակման եռակողմ աշխատանքային խումբի հանդիպումը:
