Պրիւքսէլի մէջ հիմնական քննարկուող թեմաներէն մէկը նաեւ գերիներու վերադարձը եղած է, Ազգային Ժողովին մէջ, կառավարութեան հետ հարցուպատասխանի ժամանակ, յայտարարեց վարչապետ Նիկոլ Փաշինեանը:
Գործադիրի ղեկավարին խօսքով` ե՛ւ Եւրոմիութեան, ե՛ւ միջազգային կազմակերպութիւններուն, ե՛ւ Հայաստանի դիրքորոշումը այն է, որ օր առաջ գերեվարուածները պէտք է վերադարձուին:
Փաշինեանի խօսքով` Ատրպէյճանը աընդհատ կը փորձէ յաւելեալ պայմաններու հետ կապել գերիներու, պատանդներու եւ այլ պահուող անձերու վերադարձը: «Մենք համաձայն չենք այդ դիրքորոշման հետ, մեր դիրքորոշումը շարունակում է մնալ այն, որ Նոյեմբերի 9-ի եռակողմ յայտարարութեան համաձայն, բոլոր պահուող անձինք` ռազմագերիները, պատանդները պէտք է վերադարձուեն», ըսաւ կառավարութեան ղեկավարը:
Փաշինեան նշեց, որ մինչ այս պահը հաստատուած 39 գերի կայ Ատրպէյճանի մէջ, որոնցից մէկը վերջերս մոլորուելով յայտնուած է ատրպէյճանցիներու վերահսկողութեան ներքոյ: «Մենք բոլոր հնարաւոր ջանքերը գործադրում ենք, ի դէպ, ամենաարդիւնաւէտ ձեւը միջազգային հանրութեան աջակցութիւնը եւ ճնշումն ապահովելն է, որպէսզի մեր քաղաքացիներն օր առաջ վերադառնան հայրենիք», ըսաւ Գործադիրի ղեկավարը:
