Հայաստանի արտաքին գործերու նախարար Արարատ Միրզոյեան, Մայիս 23-ին, հեռախօսազրոյց ունեցած է Ռուսիոյ արտաքին գործերու նախարար Սերկէյ Լաւրովի հետ:
Հեռախօսազրոյցի ընթացքին անդրադարձ կատարուած է 2020 թուականի Նոյեմբեր 9-ի, 2021 թուականի Յունուար 11-ի եւ Նոյեմբեր 26-ի եռակողմ յայտարարութիւններու դրոյթներու իրականացման ընթացքին:
Հայաստանի եւ Ռուսիոյ արտաքին քաղաքական գերատեսչութիւններուն ղեկավարները քննարկած են Հայաստանի եւ Ատրպէյճանի միջեւ սահմանազատման ու սահմանային անվտանգութեան հարցերով յանձնաժողովի ձեւաւորման առնչուող հարցեր: Անդրադարձ կատարուած է նաեւ տարածաշրջանին մէջ տնտեսական կապերու եւ ճանապարհային հաղորդակցութիւններու ապաշրջափակման:
Նախարար Միրզոյեան վերահաստատած է Հայաստանի դիրքորոշումը` տարածաշրջանային խաղաղութեան ու կայունութեան հաստատման եւ Հայաստանի ու Ատրպէյճանի միջեւ կարգաւորման գործընթացին վերաբերեալ:
Քննարկուած են նաեւ հայ-ռուսական համագործակցութեան երկկողմ եւ բազմակողմ օրակարգին վերաբերող հարցեր, միտքեր փոխանակուած են դաշնակցային յարաբերութիւններու աւելի ամրապնդման ուղղուած քայլերուն շուրջ:
